امام بخاری روایت کرتے ہیں: ہمیں مسدد بن مسرهد البصری نے حدیث بیان کی، انہوں نے کہا: ہمیں یحییٰ نے حدیث بیان کی از عبید الله از نافع از حضرت ابن عمر رضی الله عنہما، وہ بیان کرتے ہیں کہ

رسول اللہ صلی الله علیہ وسلم مکہ میں کداء سے الثنية العليا کی جانب سے داخل ہوئے جو بطحاء (پتھریلے میدان) میں ہے اور الثنية السفلیٰ سے مکہ سے باہر آئے۔

امام بخاری کہتے ہیں کہ یہ مسدد اپنے نام کی مثل ہے، امام بخاری کہتے ہیں کہ میں نے یحییٰ بن معین کو یہ کہتے ہوئے سنا ہے، وہ کہتے ہیں: میں نے یحییٰ بن سعید سے سنا ہے کہ اگر میں مسدد کے پاس اس کے گھر جاؤں اور اس کو حدیث بیان کروں تو وہ اس کا مستحق ہے اور مجھے اس کی پرواہ نہیں کہ میری کتابیں خواہ میرے پاس ہوں یا مسدد کے پاس ہوں۔