امام بخاری روایت کرتے ہیں: ہمیں عبداللہ بن یوسف نے حدیث بیان کی‘ انہوں نے کہا: ہمیں امام مالک نے خبر دی از نافع از عبداللہ بن عمر رضی اللہ عنہما‘ وہ بیان کرتے ہیں کہ

رسول اللہ صلی اللہ علیہ وسلم کا تلبیہ یہ تھا: میں حاضر ہوں‘ میں حاضر ہوں اے اللہ! میں حاضر ہوں‘ میں حاضر ہوں‘ تیرا کوئی شریک نہیں ہے‘ میں حاضر ہوں‘ بے شک ہر حمد تیرے لیے ہر حال میں ہے اور ہر نعمت تیری دی ہوئی ہے‘ اور ہر ملک تیرا ہے‘ تیرا کوئی شریک نہیں ہے۔