امام بخاری روایت کرتے ہیں: ہمیں بشر بن محمد نے حدیث بیان کی، انہوں نے کہا: ہمیں عبداللہ نے خبر دی، انہوں نے کہا: ہمیں معمر نے خبر دی از الزہری، انہوں نے کہا: مجھے عبداللہ بن ابی بکر بن حزم نے خبر دی از عروہ از حضرت عائشہ رضی اللہ عنہا، انہوں نے بیان کیا کہ

ایک عورت داخل ہوئی، اس کے ساتھ اس کی دو بیٹیاں تھیں، اس نے سوال کیا، پس میرے پاس ایک کھجور کے سوا کوئی چیز نہیں تھی، پس میں نے وہ کھجور ہی اس کو دے دی، اس عورت نے اس کھجور کو اپنی دو بیٹیوں کے درمیان تقسیم کر دیا اور خود اس سے نہیں کھایا، پھر وہ کھڑی ہو کر چلی گئی، پھر نبی صلی اللہ علیہ وسلم ہمارے پاس آئے، پس میں نے آپ کو اس واقعہ کی خبر دی تو آپ نے فرمایا: جو کوئی ان بیٹیوں کی کفالت میں مبتلا ہوتا ہے وہ اس کے لیے دوزخ کی آگ سے حجاب بن جاتی ہیں۔