امام بخاری روایت کرتے ہیں: ہمیں سلیمان بن حرب نے حدیث بیان کی، انہوں نے کہا: ہمیں حماد نے حدیث بیان کی اور وہ ابن زید ہیں، از ثابت از حضرت انس رضی اللہ عنہ انہوں نے بیان کیا کہ

ایک یہودی لڑکا نبی صلی اللہ علیہ وسلم کی خدمت کیا کرتا تھا، پس وہ بیمار ہو گیا تو نبی صلی اللہ علیہ وسلم اس کی عیادت کرنے کے لیے گئے، پس آپ اس کے سر کے پاس بیٹھ گئے، آپ نے اس سے فرمایا: اسلام قبول کر لو! اس کا باپ بھی اس کے پاس تھا، سو اس لڑکے نے اپنے باپ کی طرف دیکھا، اس کے باپ نے کہا: ابو القاسم صلی اللہ علیہ وسلم کا حکم مانو، سو وہ اسلام لے آیا، پس نبی صلی اللہ علیہ وسلم وہاں سے نکلے، اس وقت آپ فرما رہے تھے: اللہ کا شکر ہے جس نے اس کو دوزخ سے نجات دے دی۔