امام بخاری روایت کرتے ہیں: ہمیں موسیٰ بن اسماعیل نے حدیث بیان کی، انہوں نے کہا: ہمیں عبدالواحد نے حدیث بیان کی، انہوں نے کہا: ہمیں الشیبانی نے حدیث بیان کی از عامر از حضرت ابن عباس رضی اللہ عنہما، وہ بیان کرتے ہیں

کہ رسول اللہ صلی اللہ علیہ وسلم ایسی قبر کے پاس سے گزرے جس میں رات کو دفن کیا گیا تھا، آپ نے پوچھا: اس کو کب دفن کیا گیا؟ مسلمانوں نے کہا: گزشتہ رات، آپ نے فرمایا: تم نے مجھے خبر کیوں نہیں دی، مسلمانوں نے کہا: ہم نے اس کو رات کے اندھیرے میں دفن کر دیا تھا، ہم نے آپ کو بیدار کرنا پسند نہیں کیا تھا، پس آپ کھڑے ہوئے، ہم نے آپ کے پیچھے صف بنائی، حضرت ابن عباس نے کہا: میں بھی ان میں تھا، پس آپ نے اس کی نمازِ جنازہ پڑھی۔