امام بخاری روایت کرتے ہیں: ہمیں آدم نے حدیث بیان کی، انہوں نے کہا: ہمیں شعبہ نے حدیث بیان کی، انہوں نے کہا: ہمیں ثابت نے حدیث بیان کی از حضرت انس بن مالک رضی اللہ عنہ، وہ بیان کرتے ہیں کہ

نبی صلی اللہ علیہ وسلم ایک عورت کے پاس سے گزرے، جو قبر کے پاس بیٹھی ہوئی رو رہی تھی، آپ نے اس سے فرمایا: تم اللہ سے ڈرو اور صبر کرو، اس نے کہا: تم مجھ سے ایک طرف ہٹو، تم پر وہ مصیبت نہیں آئی جو مجھ پر آئی ہے، اور اس نے آپ کو پہچانا نہیں تھا، اس کو بتایا گیا کہ یہ نبی صلی اللہ علیہ وسلم تھے، تب وہ نبی صلی اللہ علیہ وسلم کے دروازہ پر آئی، اس نے وہاں دربان نہیں دیکھے، اس نے کہا: میں نے آپ کو پہچانا نہیں تھا، آپ نے فرمایا: صبر اس وقت شمار ہوتا ہے جب پہلی بار صدمہ پہنچے۔