امام بخاری روایت کرتے ہیں: ہمیں الحمیدی نے حدیث بیان کی، انہوں نے کہا: ہمیں سفیان نے حدیث بیان کی، انہوں نے کہا: ہمیں ایوب بن موسیٰ نے حدیث بیان کی، انہوں نے کہا: مجھے حمید بن نافع نے خبر دی از زینب بنت ابی سلمہ، انہوں نے بیان کیا کہ

جب حضرت ابوسفیان رضی اللہ عنہ کی موت کی خبر شام سے آئی تو حضرت ام حبیبہ رضی اللہ عنہا نے تیسرے دن پیلا رنگ منگایا اور اپنے رخساروں اور کلائیوں پر ملا اور کہا: بے شک میں اس سے مستغنی ہوں، اگر میں نے نبی صلی اللہ علیہ وسلم سے یہ نہ سنا ہوتا کہ جو عورت بھی اللہ پر اور روزِ آخرت پر ایمان لائی ہو، اس کے لیے یہ جائز نہیں ہے کہ وہ اپنے خاوند کے علاوہ کسی اور پر تین دن سے زیادہ سوگ کرے، پس بے شک وہ خاوند کے اوپر چار ماہ اور دس دن سوگ کرے۔