(امام بخاری روایت کرتے ہیں: ')ہمیں آدم نے حدیث بیان کی' انہوں نے کہا: 'ہمیں شعبہ نے حدیث بیان کی' انہوں نے کہا: 'ہمیں ازرق بن قیس نے حدیث بیان کی' انہوں نے کہا:

'ہم الاھواز میں خوارج کے خلاف جہاد کر رہے تھے' جس وقت میں دریا کے کنارے پر تھا، اس وقت ایک شخص نماز پڑھ رہا تھا اور اس کی سواری کی لگام اس کے ہاتھ میں تھی، سواری اس سے بھاگ رہی تھی اور وہ سواری کا پیچھا کر رہا تھا، شعبہ نے کہا: 'وہ شخص حضرت ابو برزہ اسلمی رضی اللہ عنہ تھے' خوارج میں سے ایک شخص نے کہا: اے اللہ! اس بوڑھے کے ساتھ ایسا کر، جب وہ بوڑھا نماز سے فارغ ہو گیا تو اس نے کہا: میں نے تمہاری بات سن لی ہے اور میں رسول اللہ صلی اللہ علیہ وسلم کے ساتھ چھ یا سات یا آٹھ غزوات میں شریک رہا ہوں اور آپ کی دی ہوئی آسانی اور سہولت پر میں حاضر تھا اور میں اپنی سواری کے ساتھ واپس جاؤں، یہ مجھ کو اس سے زیادہ پسند ہے کہ میں اپنی سواری کو چھوڑ کر جاؤں، یہ اپنی چراگاہ میں چرتی پھرے' یہ مجھ پر دشوار ہے۔