امام بخاری روایت کرتے ہیں: ہمیں عبداللہ بن یوسف نے حدیث بیان کی، انہوں نے کہا: ہمیں امام مالک نے خبر دی از ابن شہاب از عروہ ابن الزبیر از حضرت عائشہ ام المؤمنین رضی اللہ عنہا، وہ بیان کرتی ہیں کہ

رسول اللہ صلی اللہ علیہ وسلم نے ایک رات مسجد میں نماز پڑھی، پس لوگوں نے آپ کی نماز کے ساتھ نماز پڑھی، پھر اگلی رات بھی آپ نے نماز پڑھی، پس بہت لوگ ہو گئے، پھر تیسری یا چوتھی رات کو بھی لوگ جمع ہوئے تو رسول اللہ صلی اللہ علیہ وسلم ان کی طرف نہیں نکلے، پھر جب صبح ہوئی تو آپ نے فرمایا: بے شک میں نے دیکھ لیا جو تم نے کیا تھا اور تمہاری طرف نکل کر آنے کے لیے مجھے صرف اس چیز نے منع کیا تھا کہ مجھے یہ خوف تھا کہ یہ نماز تم پر فرض کر دی جائے گی، اور یہ رمضان کا واقعہ ہے۔