امام بخاری روایت کرتے ہیں: ہمیں ابو نعیم نے حدیث بیان کی، انہوں نے کہا: ہمیں ابن عیینہ نے حدیث بیان کی از الزہری از حضرت انس رضی اللہ عنہ انہوں نے بیان کیا کہ

رسول اللہ صلی اللہ علیہ وسلم گھوڑے سے گر گئے، اس سے آپ کی بائیں جانب کی کھال چھل گئی، سو ہم آپ کی عیادت کے لیے آپ کے پاس گئے؛ پس نماز کا وقت آ گیا تو آپ نے بیٹھ کر نماز پڑھائی، سو ہم نے بھی بیٹھ کر پڑھی، اور آپ نے فرمایا: امام اس لیے بنایا جاتا ہے کہ اس کی اقتداء کی جائے؛ پس جب وہ اللہ اکبر کہے تو تم اللہ اکبر کہو اور جب وہ رکوع کرے تو تم رکوع کرو اور جب وہ رکوع سے اٹھے تو تم رکوع سے اٹھو اور جب وہ ”سمع اللہ لمن حمدہ“ کہے تو تم ”ربنا ولک الحمد“ کہو۔