امام بخاری روایت کرتے ہیں: ہمیں احمد بن سعید نے حدیث بیان کی، انہوں نے کہا: ہمیں حبان نے حدیث بیان کی، انہوں نے کہا: ہمیں ہمام نے حدیث بیان کی، انہوں نے کہا: ہمیں انس بن سیرین نے حدیث بیان کی، انہوں نے کہا:

جب حضرت انس رضی اللہ عنہ شام سے آئے تو ہم نے ان کا استقبال کیا، ہم ان سے عین التمر کے مقام پر ملے، پس میں نے ان کو دیکھا وہ گدھے پر نماز پڑھ رہے تھے اور ان کا منہ اس طرف تھا یعنی قبلہ کی بائیں طرف تھا، میں نے ان سے کہا کہ میں دیکھ رہا ہوں کہ آپ غیر قبلہ کی طرف نماز پڑھ رہے ہیں، انہوں نے کہا: اگر میں نے رسول اللہ صلی اللہ علیہ وسلم کو اس طرح نماز پڑھتے ہوئے نہ دیکھا ہوتا تو میں نماز نہ پڑھتا۔

ابن طہمان نے اس حدیث کو از حجاج از انس بن سیرین از حضرت انس رضی اللہ عنہ از نبی صلی اللہ علیہ وسلم روایت کیا ہے۔