امام بخاری روایت کرتے ہیں: ہمیں محمد بن العلاء نے حدیث بیان کی، انہوں نے کہا: ہمیں ابو اسامہ نے حدیث بیان کی از برید بن عبد اللہ از ابی بردہ از حضرت ابو موسیٰ رضی اللہ عنہ انہوں نے بیان کیا کہ

سورج کو گہن لگ گیا، پس نبی صلی اللہ علیہ وسلم گھبرائے ہوئے کھڑے ہوئے، آپ کو یہ خوف تھا کہ قیامت آ گئی ہے، پس آپ مسجد میں آئے، سو آپ نے بہت طویل قیام اور رکوع اور سجود کے ساتھ نماز پڑھائی، جو میں نے آپ کو کبھی پڑھاتے ہوئے نہیں دیکھی تھی، اور آپ نے فرمایا: یہ وہ نشانیاں ہیں جن کو اللہ عزوجل بھیجتا ہے جو کسی کی موت کی وجہ سے ہوتی ہیں نہ کسی کی حیات کی وجہ سے، لیکن اللہ ان کے سبب سے اپنے بندوں کو ڈراتا ہے، پس جب تم ان میں سے کسی چیز کو دیکھو تو اللہ کے ذکر اور اس سے دعا اور استغفار کی پناہ میں آؤ۔