امام بخاری روایت کرتے ہیں: ہمیں مسدد نے بیان کیا انہوں نے کہا: ہمیں ابو عوانہ نے حدیث بیان کی از قتادہ از حضرت انس رضی اللہ عنہ انہوں نے کہا:

جس وقت رسول اللہ صلی اللہ علیہ وسلم جمعہ کا خطبہ دے رہے تھے اچانک ایک شخص آیا اس نے کہا: یا رسول اللہ! بارش کا قحط پڑ گیا لہذا آپ اللہ سے دعا کیجئے کہ ہم پر بارش نازل کرے، سو آپ نے دعا کی سو ہم پر بارش نازل کی گئی پس قریب نہ تھا کہ ہم اپنے گھروں کو پہنچتے سو اگلے جمعہ تک مسلسل بارش ہوتی رہی پھر وہی شخص کھڑا ہوا یا دوسرا شخص پس اس نے کہا: یا رسول اللہ! اللہ سے دعا کیجئے کہ وہ اس بارش کو ہم سے دور کر دے رسول اللہ صلی اللہ علیہ وسلم نے دعا کی: اے اللہ! ہمارے ارد گرد برسا ہم پر نہ برسا۔ حضرت انس نے کہا: پس میں نے تحقیق سے دیکھا کہ بادل برستے ہوئے دائیں بائیں پھٹ رہے تھے اور اہل مدینہ پر بارش نہیں ہو رہی تھی۔